نشط ذاكرتك مع 6 طريقة مجربة

    أسباب النسيان وضعف الذاكرة

    لو بتعاني من موضوع النسيان الدايم وضعف الذاكرة وبتدور علي حلو كويس للمشكلة دي فإنت في المكان الصح، ونصيحتي ليك إنك تكمل المقال دا للآخر.
    طبيعي بسبب سرعة الحياة وكثرة الضغوطات علينا الأيام دي إننا نعاني من ضعف في الذاكرة، ودا بسبب عدم قدرة العقل علي تخزين الكم الهائل من المتغيرات اللي بيمر بيها خلال اليوم، أو بمعني أبسط إن عقلك بيتعب من كمية المعلومات الاي بيتلقاها بسرعة، والي بينتج عنه انه بيفقد بعض المعلومات دي وبينساها بسهولة، وطبعًا الموضوع دا محبط جدًا وكمان محرج جدًا، عشان كدا في الزتونة هنقولك علي 6 طرق مجربة وبسيطة عشان الموضوع دا يخف من عندك لغاية ما يروح خالص بإذن الله.

    وسائل تنشيط الذاكرة

    الطريقة الأولي

    أول طريقة واللي ممكن متكونش بتاخد بالك منها وهي كمية السكر الكبيرة اللي بتقوم بإضافتها علي أكلك ومشروباتك، واللي أكيد عمرك ما فكرت إنها ممكن تكون سبب في ضعف ذاكرتك، لكن خليني أقولك إنه فيه دراسات حديثه أثبتت إن فيه علاقه بين تناول كميه كبيرة من السكر وبين موضوع ضعف الذاكرة وبعض الأمراض المزمنة التانية، عشان كدا حاول بقدر المستطاع إنك تخفف من كمية السكر اللي بتحطها علي أكلك أو شربك.د

    الطريقة التانية

    الطريقة التانية هي تناول مكملات زيت السمك، ودا عشان زيت السمك غني بأحماض الأوميجا 3 الدهنيه، واللي بتعتبر ضرورية جدا للصحة العامة، وفيه دراسات أثبتت فاعليتها في تقليل الاصابة بأمراض معينة زي أمراض القلب وتقليل الالتهابات وكمان تخفيف التوتر والضغط، وبتبطئ من عملية تدهور صحة العقل، وفيه دراسة تمت علي 36 شخص عندهم ضعف بسيط في الذاكرة المؤقته ورد فيها إن ذاكرتهم تحسنت بعد تناول السمك ومكملات زيت السمك المركزه لمدة سنة.

    الطريقة التالتة

    الطريقة التالتة وهي طريقة نفسية نوعًا ما، وهي بتعتمد علي إنك تخصص وقت من يومك للتأمل والتفكير، واللي بيأثر بشكل إيجابي كبير جدًا علي الصحة سواء البدنية أو العقلية، والغرض من التفكير والتأمل هو الوصول لمرحلة الهدوء والإسترخاء واللي بيترتب عليها تقليل الألم والضغط وخفض ضغط الدم وتحسين الذاكره وتقويتها بشكل ملحوظ.
    وبعض الدراسات المنشورة أثبتت إن التأمل بيأثر بشكل إيجابي علي المادة الرمادية واللي بتكون موجودة في الدماغ واللي بتحتوي علي الخلايا العصبية، ومع مرور الزمن والتقدم في العمر المادة الرمادية دي بيحصلها عملية تدهور بتأثر بالسلب علي الذاكرة والقدرة علي الإدراك.

    الطريقة الرابعة

    الطريقة الرابعه من طرق تنشيط الذاكرة هي الحفاظ علي وزن صحي، والمثل بيقول العقل السليم في الجسم السليم، ودراسات كتيرة جدًا أكدت إن السمنه من العوامل الخطيرة اللي بتأثر علي المعرفة والإدراك والصحة العقلية بشكل عام.
    والسمنه كمان بتسبب حدوث تغييرات علي الجينات المصاحبه للذاكره في المخ واللي بيأثر بالسلب مع الوقت علي الادراك، ومش كدا وبس، دا الدراسات بتقول إن السمنه بتقاوم الأنسولين والالتهابات وتم الربط بينها وبين ارتفاع خطر الاصابة بمرض الزهايمر.

    الطريقة الخامسة

    الطريقة الخامسة مرتبطة بموضوع قلة النوم اللي معظمنا بيعاني منه، سواء بسبب ضغوطات الحياة أو مشاكل العمل أو حتي ضغوطات نفسية وزهق وتوتر.
    النوم دوره كبير جدًا في توجيد الذاكره وعملية توحيد الذاكره دي اللي بيتم فيها تحويل البيانات والذكريات المخزنة في الذاكرة قصيرة الأمد إلي الذاكرة طويلة الأمد، والعلماء بيقولوا إنه المفروض الحصول علي مابين سبع إلي تسع ساعات من النوم يوميًا عشان تحافظ علي نشاطك وصحتك وقوتك العقلية.

    الطريقة السادسة

    الطريقة السادسة من طرق تنشيط الذاكرة هي ممارسة الرياضة بأي شكل من الأشكال، والرياضة مش بس مهمة للصحة العقلية ولكن مهمة للصحة البدنية النفسية وبتخليك دايمًا نشيط وجاهز لمقابلة أي تحديات ممكن تواجهك في يومك.
    وفيه دراسة أجريت علي 144 فرد في اعمار مابين 19 إلي 93 سنة، جاء فيها إن ممارسة تمرين واحد لمدة ربع ساعة علي الدراجه يوميًا أدي لتحسين المعرفة الإدراكية ومن ضمنا الذاكرة عمومًا لكل الأفراد في كل الأعمار.
    وفيه دراسات تانية بتقول إن ممارسة الرياضة في فترات منتصف العمر بتقلل بشكل كبير جدا فرصة الإصابة بأمراض ليها علاقة بالدماغ زي الخرف.
    وبكدا الزتونة قالتلك علي 6 طرق تحمي وتقوي بيها ذاكرتك، كل اللي عليك دلوقتي إنك تشارك المقال دا علي الفيس بوك عشان تفيد بيه حد تاني.
    شارك المقال
    Eslam Gamal
    كاتب ومحرر اخبار اعمل في موقع بالمختصر المفيد .

    مقالات متعلقة

    إرسال تعليق